пятница, 3 ноября 2017 г.

Бүлүү гимназиятыгар оскуола библиотекаларын декадата

Оскуола библиотекаларын декадатыгар анаммыт тэрээһиннэргэ уонна народнай суруйааччы Петр Тобуруокап 100 сылыгар Бүлүү гимназиятыгар үгүс үлэ ыытылынна.
Тэрээһиннэр бары биллиилээх поэт айымньыларын оҕолорго үөрэтэр, биллэрэр уонна кинилэр айар дьоҕурдарын сайыннарар уонна бибилотека үлэтин сырдатар, оҕолор ааҕар баҕаларын көҕүлүүр сыалаах тэрилиннилэр
Декада кэмигэр «Живи книга», «Подари книгу школьной библиотеке» акциялар хабааннаахтык ыытылыннылар. Кыра кылаастарга «Моя любимая книга» диэн ис хоһонноох күрэх тэрилиннэ. 
Маны таһынан, оскуолабыт иһинэн Петр Тобуруокап 100 сааһыгар аналлаах үрдүкү кылаастарга викторина ыыттыбыт. Кыайыылаахтар, 11 б кылаас үөрэнээччилэрэ:


·       Менкярова Василина;
·       Попова Оля;
Декада түмүгэр, гимназиябытыгар кылаас аайы народнай суруйааччы Петр Тобуруокапка аналаах библиотечнай уруоктар ыытылыннылар.
         Улууска ыытыллыбыт «О жизни школьных библиотек» хаһыат күрэҕэр, бастакы миэстэни ылан үөрүүбүт үрдээтэ. Редколлегия (10 кылаас үөрэнээччилэрэ) библиотека үлэтин бары өттуттэн сырдаттылар. Өссө 6 а кылаас оҕолоро Тобуруокап хоһооннорун ааҕыыга, инценированнай туруоруу устан, улуустааҕы күрэххэ кытыннылар.
Киин библиотека тэрийбит ааҕыы күрэҕэр 8 гимназист ситиһиилээхтик кытынна. Кыайыылааҕынан Саина Саввинова 5 б кылаас үөрэнээччитэ буолла.
Бүлүү куоратын 4 оскуолаларыттан 6 кылаастары мунньан, Алгыс культура киинэ, Киин библиотека уонна үөрэх управлениета холбоһон, «Олоххо көрдүүбүн дьиктини...» диэн киэн аһаҕас уруок толкуйдаан ыыттылар. Биһиги учууталларбыт Томская В.П., Григорьева А.Я. бу уруогу кыайа-хото тутан, үрдүк таһымна ыыттылар. Бу аан бастаан маннык ыытыллыбыт сонун тэрээһин буолла.
Маны сэргэ үөрэх управленията Петр Тобуруокапка анаан улуустааҕы компьютернай презентация көрүүтэ уонна поэт хоһооннорун тылбаастааһын конкуруһун тэрийдэ. 5-8 кылаастар поэт хоһоонун нууччалыы, 9-11 кылаастар английскайдыы тылбаастаатылар. Гимназиябытыттан 18 оҕо кытынна. Түмүгэр:
  • ·       английскайдыы тылбааска Менкярова Василина 11б – 1 миэстэ; Салайааччы – Егорова М.Н.
  • ·       нууччалыы тылбааска Кондакова Вилена 8 – 2 миэстэ; Салайааччы – Игнатьева С.С.
  • ·       Чукрова Айита «Табыллыбыт тылбаас» номинация; Салайааччы – Филиппова А.В.
  • ·       Компьютернай презентация5а: Менякярова Василина 11б – 1 миэстэ; Салайааччы – Иванова Д.Г.

Комментариев нет:

Отправить комментарий

Что нового