Сэтинньи 30 күнэ — Хомус күнэ.

Бүгүн, сэтинньи 30 күнэ — Хомус күнэ. Бу күн Егор Борисов Ил Дарханынан олорон 2011 сыллаахха таһаарбыт Ыйааҕынан бэлиэтэнэр. Өбүгэлэрбититтэн бэриллибит ыллыыр чыычаахтаах саха этигэн хомуһа, кини сүрэҕи сүүдүтэр дьүрүскэн тыаһа саха дьонугар эрэ кэрэхсэммэккэ, аан дойдуга тарҕанан олорор араас норуоттар түһүлгэлэригэр, өрөспүүбүлүкэ ыытар улахан тэрээһиннэригэр норуоттары ситимниир, түмэр дьылҕаламмыта хас биирдии саханы үөрдэр. Саха Сиригэр биллэриллибит Хомус күнүн Бүтүн аан дойдуга бэлиэтииллэр.

Хомус күнүгэр аналлаах библиотечнай уруок. Кыадаҥдатааҕы алын сүһүөх оскуола-саада. Педагог-библиотекарь: Иванова П.В.