вторник, 26 мая 2020 г.

Бырааһынньыгынан!

Арассыыйа библиотекаларын күнүнэн итиитик - истиҥник эҕэрдэлиибин. Тус олоххутугар дьолу, үлэҕитигэр ситиһиилэри баҕарабын.


среда, 20 мая 2020 г.

Ыам ыйын 27күнэ - Арассыыйа библиотекаларын күнэ.

Алын кылаас оҕолоругар аналлаах "Таптыыр кинигэбин кытта бииргэ" хас да номинациянан хаартыска күрэҕэ ыыттым:
1. "Таптыыр кинигэбин кытта" (портрет); 
2."Кинигэ ааҕарбын таптыыбын" (портрет, кинигэ ааҕар түгэн); 
3."Кинигэбин кытта өрүү бииргэбин" (соһуччу миэстэлэргэ кинигэ ааҕар түгэн (чтение книг в неожиданных местах, в необычной обстановке); 
4."Мин дьиэтээҕи библиотекам". 
Бастакы номинация кыайыылаахтара -   4 кылаас  үөрэнээччитэ Андреев Харысхан уонна 1 кылаас үөрэнээччитэ Андреев Эрхан, иккис  номинация кыайыылаахтара - Нахова Дайаана (4 кылаас), Воловик Николай (2 кылаас), үһүс номинация кыайыылаахтара - Воловик Элеана уонна Баишева Сайаана (иккиэн 4 кылаастар), төрдүс номинация кыайыылааҕа  4 кылаас үөрэнээччитэ Григорьева Саяна. Онтон муҥутуур кыайыылааҕынан 4 кылаас үөрэнээччитэ Алексеева Анастасия буолла. Кыайыылаахтары эҕэрдэлиибин.


понедельник, 18 мая 2020 г.

Ыам ыйын 15 күнэ - Аан дойдуга дьиэ кэргэн күнэ.

Бу бэлиэ күҥҥэ 1 уонна 4 кылаастарга "Мин уонна ийэм-ааҕар дьиэ кэргэн" онлайн викторина ыыттым. 1 кылаастарга икки дьиэ кэргэн кыайыылаах тахсан грамота уонна кинигэ бириистээхтэр. 4 кылаастар кыттыбыттарын туоһулуур сертификат туттулар. 
         


пятница, 8 мая 2020 г.

Эҕэрдэбитин ыытабыт.

Күндү бэтэрээннэрбитин, убаастабыллаах коллегаларбытын, сэрии кэмин оҕолорун Николаева Лукерья Акимовнаны, Николаева Евдокия Гаврильевнаны, Сивцева Людмила Дмитрьевнаны, Макарова Августина Ивановнаны Улуу Кыайыы күнүнэн эҕэрдэлээн видеоклип оҥорбуппутун көрүҥ.



четверг, 7 мая 2020 г.

"Бессмертный полк"

Бүлүү улууһун педагог-бибилэтиэкэрдэрэ Бүтүн Арассыыйатааҕы аахсыйаҕа кыттыһабыт.




среда, 6 мая 2020 г.

"Дьиэҕэр олор, кинигэтэ аах".

Самоизоляцияҕа да олордорбут, куйаар ситиминэн холбоһон Кыайыы 75 сылыгар анаан "Дьиэҕэр олор, кинигэтэ аах" буктьюб оҥорон, таҥан таһаардыбыт. Ааҕааччыларбытыгар үтүүбүнэн тарҕаттыбыт.



Что нового