пятница, 2 марта 2018 г.

Юнкор суруйар


Бэрээдэги көҕүлүүр салайааччы

Биһиги, Г.И. Чиряев аатынан   №1- дээх  оскуолабытыгар оҕону иитиигэ, биир коллективка түмүүгэ уонна инники күөҥҥэ таһаарыыга улахан болҕомто  ууруллар. Ол иһин, номнуо үһүс сылын кылаастар икки ардыларыгар күрэс ыытыллар.
2015 сылтан  рейтинговай система үлэлиир. Система 5 көрүҥүнэн сыаналанар. Ол эбэтэр, күн аайы школьнай форманы кэтиигэ, уруокка хойутааһыны суох буолуутугар, кылаас ырааһын, бэрээдэктээх буолуу уонна оскуолаҕа ыытыллар тэрээһиннэргэ кыттыыларын иһин балл ааҕыллар. Маны барытын оҕо хамсааһынын салайар эбии үөрэхтээһин учуутала Мария Петровна Васильева кэтээн көрөр уоннай түмүк таһаарар. Рейтинговай система оҕону олохко сыаллаах, эппиэтинэстээх  буоларга үөрэтэр. 

 
Сыл бастакы   аҥарын  түмүгүнэн 6- 7 кылаастарга, кыайыылааҕынан 6 ”б” кылаас оҕолоро буоллулар ( кылаас салайааччыта Борисова Валентина Васильевна) . Онтон 8-11 кылаастар икки ардыларыгар кыайда 10 «б» кылаас( салайааччы Осипова Дария Петровна). Кыайыылаахтар  анал көһө сылдьар кубок туттулар уонна кинотеатрга  киинэҕэ босхо сылдьар чиэскэ тигистилэр.
Кылаастар икки ардыларыгар ыытыллар бу күрэхтэһиини, «Бүлүү» кинотеатр дириэктэрэ Андрей Руфов үһүс сылын өйүүр. Манан сибээстээн оскуолабыт аатыттан Андрей Васильевич  Руфовка улахан махталбытын тиэрдэбит.
Даша Романова, 1 №-ээх оскуола кэрэспэндьиэнэ

Комментариев нет:

Отправить комментарий

Что нового