Юнкор суруйар

Биир хаартыскаттан сиэттэрэн .....

Мин оскуолабыт музейыгар сылдьан, Бүлүү үөрэнээччилэрэ Псков куоракка Всероссийскай слетка Саха сирин аатыттан кыттыбыттарын кэпсиир ыстатыйаны уонна  хаартысканы  интэриэһиргээн көрдүм. Хаартыскаҕа:  Лена Уварова уонна Сергей Винокуров, Хампаттан Ваня Ксенофонтов, Чернышевскайтан Валера Николаев, Чочуттан Рита Андреева баалар

Биһиги №1- ээх Г.И. Чиряев аатынан оскуолабыт музейа төрүттэммитэ быйыл 50 сыла буолар. Бу музейы 1968 сыллаахха история учуутала Константин Константинович Окоемов тэрийбитэ. Музейга матырыйаал быһыытынан сэриитээҕи хаартыскалар, суруктар-бичиктэр, сэрии ветераннарын бэлэхтэрэ хомуллар этилэр...Салайааччы көмөтүнэн куруһуок оҕолоро сэрии историятын чинчийэр үлэни ыыталлара.  

Куруһуокка сылдьар чинчийээччи оҕолор туох үлэни, хайдах быһыылаахтык ыыппыттарын билиэхпин баҕардым. Ол иһин, слет кыттыылааҕыттан, оскуолабыт выпускнигыттан, Бүлүүбүт улууһун баһылыгыттан Сергей Николаевич Винокуровтан интервью ыллым.

-  Сергей Николаевич, бу хаартыска историятын кэпсиэҥ дуо?

 - 10-с кылааска уорэнэ сырыттахпытына, кыьын Сана дьыл саҕана Псков куораака «Всероссийскай слет красных следопытов» буолбута. Ол онно Саха сирин аатыттан  биьигини ыыппыттара.  Оччотооҕуга музейбыт республика урдунэн саамай бастыҥ улэлээх, олус баай матырыйааллааҕынан биллэр -  көстөр этэ. Ити слетка биэс буолан барбыппыт, биьиги оскуолаттан иккиэбит: Уварова Лена уонна мин.

-  Эһиги ити куруһуокка сылдьан туох үлэни ыытар этигитий?

-            Биһигини история уруогар Окоемов Константин Константинович үөрэппитэ, РСФСР үтүөлээх учуутала. Кини ити музейы төрүттээбит киһи буолар, биһиги историяны интэриэһиргиир оҕолор,  киниэхэ көмөлөһөр этибит. Улахан байыаннай начальниктарга, сэрии бэтэрээннэригэр, олор истэригэр элбэх Советскай Союз геройдарыгар, оскуола уонна музей аатыттан сурук суруйар этибит. Кинилэр ахтыыларын, личнэй малларын-салларын ыыталлара. Элбэх матырыйаал хомуллубута. Музейга элбэх экскурсиялар, семинардар, мунньахтар буолар этилэр, ол онно биьиги экскурсовод, гид быьыытынан улэлэьэр этибит.  

-          Хаһыс кылаастан   дьарыктаммыккыный?

-             Сэттис кылаастан, историяны собулуур буоламмын, Константин Константинович тэрийбит «Красные следопыты» куруһуогар улэлэспитим, элбэх оҕо сылдьар этэ. Псков куоракка барарга,  миигин уонна Уварова Ленаны эрэ талан ыыппыттара. Псков куораттан эдбэх кинигэлэри, значоктары, открыткалары а5албыппыт. Улахан мунньах буолбута, биьиги хас биирдии секциянан дакылаат аахпыппыт. Мин Амма оборонатыгар оҕолор кыттыбыттарын туьунан аахпытым, үчүгэй дакылаат  диэннэр миэхэ мэтээл биэрбиттэрэ, атыттар грамота бөҕө ылбыттара.

Туох даҕаны олус интэриэьинэй слет буолбута. Псков - былыргы куорат. Улахан мунньах буолбута.  Москваттан сэрии ветераннара кэлбиттэрэ, ол иьигэр Совесткай Союз героя летчик Н.В. Попова баар этэ. Дойдубут араас муннуктарыттан о5олор кэлбит этилэр, Салайааччынан  автодело, география, история учуутала  Протопопов Василий Спиридонович илдьэ сылдьыбыта. Кэлин Псков куоракка сылдьыбата5ым.  

-Бииргэ сылдьыбыт о5олоргун кытары билигин билсэ5ин дуо?

- Лена хомойуох иьин билигин бу сиргэ суох, Ксенофонтов Иваны кытары  билсэр- көрсэр этибит, биллиилээх ырыаьыт буолбут этэ, Николаев Валераны кытары билсэбин, билигин дойдутугар баар, улэлиир, Рита ханна баарын билбэппин.

Сергей Николаевич Константин Константинович курдук улахан Учууталга үөрэнэн, музейга куруһуокка дьарыктаммыта,инники идэтин сөпкө таларыгар көмө буолбут эбит. Ити курдук, оскуолабыт музейыгар кэлэр көлүөнэ дьылҕатын түстээбит төһөлөөх элбэх матырыйаал харалла сытара буолуой?

Николай ФЕДОРОВ, «Ориентир» пресс –киин кэриспэндьиэнэ

Г.И. Чиряев аатынан оскуола 9 кылааһын үөрэнээччитэ