Гавриил Иосифович Чиряев төрөөбүтэ 100 сыла

Бүгүн, муус устар 4 күнүгэр, биллиилээх судаарыстыбаннай, бэлитиичэскэй диэйэтэл, ССКП КК чилиэнэ, ССРС, САССР Үрдүкү Сэбиэттэрин дьокутаата, ССКП Саха сиринээҕи обкомун бастакы сэкирэтээрэ, өрөспүүбүлүкэни 1965-1982 сс. салайбыт, Саха сирин бүттүүнэ киэн туттар биир чулуу киһитэ Гавриил Иосифович Чиряев төрөөбүтэ 100 сыла.

Бүгүн 04.04.2025 Гавриил Иосифович Чиряев төрөөбүтэ 100 сылын бэлиэтээн олоҕун, үлэтин -хамнаһын туһунан Н.И.Афанасьев аатынан Бороҕон орто оскуолатын историяҕа учуутала Фомина Мария Михайловна оҕолорго билиһиннэрдэ. Олохтоох библиотека үлэһитэ Каратаева Саргылана Петровна архыып матырыйаалларын хомуйан быыстапка туруорда уонна тимир уус Мальцев Кирилл Кириллович Чиряевка бэйэтэ онорбут 10-тан тахса саха быһаҕын бэлэхтээбитин туһунан иһитиннэрдэ. Оскуола библиотекара Шелихова Айталина Гаврильевна өссө чиҥэтэн сааһылаан Гавриил Иосифович Чиряев туһунан кэпсээтэ.
Оскуола учуутала Прокопьева Наталья Трофимовна -Алгыстаах Сарыада Гавриил Иосифович Чиряев төрөөбүтэ 100 сылыгар анаан анабыл хоһоон күрэҕин Бастакы үрдэл кыайыылааҕа, автор бэйэтин толоруутугар хоһоонун иһиттибит. Оҕолор биир дойдулаахпыт, киэн туттар киһибит Чиряев Гавриил Иосифович туһунан бэркэ олорон сэҥээрэн иһиттилэр.

Бороҕон орто оскуолата. Педагог-библиотекарь Шелихова А.Г.

***********************************************************************************

Бүгүн 5 кылаастарга библиотечнай уруок буолла. Чиряев Г.И. туһунан кэпсэттибит, ырытыстыбыт. 

Хампа орто оскуолата. Педагог-библиотекарь Семенова Т.А.

***********************************************************************************

Бугун муус устар 3 күнүгэр биллиилээх общественнай деятель, Бүлүүлэр киэн туттар киһибит Г. И. Чиряев 100 сааһыгар анаан Лөкөчөөн орто оскуолатын 5 кылааһын оҕолоругар библиотекарь, кылаас салайааччыта Мойтохонова Анна Михайловна "Гавриил Чиряев оҕо сааһын оонньуулара" диэн кылаас чааһын ыытта. Г.И. Чиряев хаан-уруу аймахтара, сыдьааннара 5 кылаас үөрэнээччитэ Павлова Валентинабыт ийэтинээн Петрова Маргарита Александровналыын күндү ыалдьыт буоллулар. Кинилэргэ уруулуу буолалларын бигэргэтэр альбом оҥорон бэлэхтээтибит. Оҕолор Г.И. Чиряев үлэтин, олоҕун билистилэр. Кыракый Гавриил 1932 - 37 сыллардааҕы араас оонньообут оонньууларын кытта билистилэр. Ол курдук: классики, скакалка, биһилэх кутааһын, түү мээчик быраҕыы, хаамыска, харах симсии, чуурка хайытааһына диэн сонун, билбэт оонньууларын оонньоотулар, быраабылатын билистилэр. Кылаас чааһын түмүгэр 1930-с сыллардааҕы оҕолорго шоколад, кола, чокопай диэн ас олох суоҕун биллилэр. Уонна ол саҕанааҕы оҕолор минньигэстэрин: глазурьдаах пряник, сыттык кэмпиэт уонна лампысыай хампыаты уонна мүөттээх боростуой карамель эрэ  баарын биллилэр, ити минньигэстэри амсайдылар. Кылаас чааһыгар 9 оҕо, 4 учуутал, 1 төрөппүт сырытта.

Лөкөчөөн орто оскуолата. Педагог-библиотекарь Мойтохонова А.М.

***********************************************************************************

Биллиилээх советскай партийнай уонна государственнай деятель Гавриил Иосифович Чиряев тереебутэ 100 сылыгар аналлаах библиотечнай уруок буолан ааста, оҕолор Г. И. Чиряев олоҕун-хамнаһын туһунан сэргээн иһиттилэр, бэйэлэрэ суруйбут анабыл хоһооннорун аахтылар. "Алаас ааттаах, дойду сурахтаах" интеллектуальнай оонньууга кытыннылар.

Кыадаҥда оскуолата. Педагог-библиотекарь Иванова П.В.

***********************************************************************************

Бүгүн Бөкчөҥөө орто оскуолатыгар Г.И.Чиряев төрөөбүтэ 100 үбүлүөйдээх сылыгар аналлаах тэрээҺин буолла. Киирии тылынан арыйда оскуола библиотекара Дмитриева Н.И. Салгыы история учуутала Калачева В.И, нэһилиэк баҺылыгын солбуйааччыта Никитина Х. И, нэҺилиэк депутата, саха тылын учуутала Иванова Н.Г ,Чиряев Г. И  Сахатын сиригэр  дьиҥнээх патриот, сүдү салайааччы, үтүөкэн киҺи быҺыытынан олорбут олоҕун, үлэлээбит үлэтин туҺунан сиҺилии кэпсээтилэр.

Бөкчөҥөө орто оскуолата. Педагог-библиотекарь Дмитриева Н.И. 

***********************************************************************************

Тылгыны орто оскуолатыгар Г.И. Чиряевка аналлаах тэрээһин буолла. Нэһилиэк библиотекара Григорьева В.В. Чиряев туһунан кэпсээтэ, оҕолор бэйэлэрэ айбыт хоһооннорун аахтылар, викторинаҕа кытыннылар, уруһуй түмүгэ таҕыста, Чиряев олоҕун, үлэтин туһунан выставка турда.

Педагог-библиотекарь Колтовская С.С.